Sunday, March 21, 2010

ഒരു മൊബൈല്‍ ആത്മഹത്യാക്കുറിപ്പ്

 ഒരു മൊബൈല്‍ ആത്മഹത്യാക്കുറിപ്പ്
 
മൊബൈല്‍ ഫോണ്‍ ഒരു പാപമല്ല
കാമറ ഒരു പാപമല്ല
പക്ഷെ
ആത്മഹത്യ ഒരു പാപമാണ്
എന്നാല്‍
ഞാന്‍ ആത്മഹത്യ ചെയ്യും
പാപത്തിനെ പേടിയില്ലാഞ്ഞിട്ടല്ല
മറിച്ച് സമൂഹത്തെ
അതിനേക്കാള്‍ പേടിയുള്ളത്കൊണ്ട്

അവരില്‍ ചിലര്‍ മൊബൈലില്‍
എന്റെ നഗ്നചിത്രം പിടിച്ചു
ചിലര്‍ക്ക് നിസഹായനായ
ഇരയെക്കാണുമ്പോള്‍
കടുവയുടെ വായില്‍
വെള്ളമൂറുന്നതുപോലെ
എന്നെപ്പോലുള്ളവരുടെ
ചിത്രം കാണുമ്പോള്‍
സ്ഘലനം ഉണ്ടാവുമത്രേ

അതിലുപരി ആരെങ്കിലും
‘കണ്ട‘ സ്ത്രീയെ കല്യാണം
കഴിക്കാന്‍ നാട്ടിലെ
കുംടുംബത്തില്‍ പിറന്നവര്‍
സമ്മതിക്കില്ല
അത് മാനക്കേടാണത്രേ

പക്ഷെ ചിത്രമെടുത്തവന്റെ
വിവാഹമായിരുന്നു ഇന്നലെ
വഴിയില്‍ വച്ച് കണ്ടപ്പോള്‍
ആള്‍ക്കൂട്ടത്തിനിടയിലും
അവനെന്നെ ഭയത്തോടെ
നോക്കുന്നുണ്ടായിരുന്നു

പാവം
സ്ത്രീകള്‍ നമ്മുടെ നാട്ടില്‍
പ്രതികാരം ചെയ്യില്ല എന്ന്
അവന് അറിയില്ല എന്ന്
തോന്നുന്നു
നമുക്ക് സ്ത്രീ എല്ലാം
സഹിക്കുന്നവളാണല്ലൊ

ഞാനും എല്ലാം
സഹിച്ചുകൊണ്ട്
ആത്മഹത്യ ചെയ്യുന്നു!

1 comment:

അച്ചായന് said...

ഞാനും എല്ലാം
സഹിച്ചുകൊണ്ട്
ആത്മഹത്യ ചെയ്യുന്നു!