Thursday, August 27, 2009

കർഷകാ നീ

കർഷകാ നീ നിന്റെ
പാഴ്വേല നിർത്തുക
ഞങ്ങൾ യന്ത്രങ്ങൾകൊണ്ട്
ആഹാരം ഉണ്ടാക്കാം
ഞങ്ങൾ ആഹാരത്തിന്
പകരം ഗുളികകൾ തരാം

മണ്ണാകുന്ന, ചേറാകുന്ന
ചെളിയിൽ തൊടാതിരിക്ക
നിനക്ക് ചൊറി വരും
ഞങ്ങളുടെ മിനറൽ വാട്ടറിൽ
കൈകഴുകുക

വെയിലുകൊള്ളാതെ സ്നേഹിതാ
നീ കറുത്തുപോവും
അത് അധകൃതന്റെ നിറമല്ലേ
നീ ക്രീം പുരട്ടൂ
തിളങ്ങട്ടെ നീ സൂര്യനെപ്പോലെ

ശരീരം അനങ്ങി വേല ചെയ്യരുതേ
നീ ക്ഷീണിക്കും
വരൂ വിശ്രമിക്കൂ
അഥവാ നിനക്കിനി* വണ്ണമായാൽ
ഞങ്ങൾ ട്രെഡ്മിൽ തരാം

*ഇമേജിൽ ഇല്ല



1 comment:

അച്ചായന് said...

കർഷകാ നീ നിന്റെ
പാഴ്വേല നിർത്തുക