Tuesday, November 21, 2006

ദൈവസുതന്‍

ദൈവസുതന്‍

ഇന്നുമോര്‍ക്കുന്നു ഞാനാ ജഗത്ഗുരുവിനെ
അന്നവന്‍ മനുഷ്യനായ്‌
അവതരിച്ചവനീ പാപഗ്രസ്തനെ
സ്പര്‍ശിച്ച്‌ സൗഖ്യം
പ്രദാനം ചെയ്തിട്ടെന്‍
പാപങ്ങള്‍ പൊറുത്തുവല്ലോ

അവനാനാരെന്ന് തേടിഞ്ഞാനലഞ്ഞു
അവന്റെ ജനനമാം അനഘ
നിനിഷത്തില്‍ അവനെ സന്ദര്‍ശിച്ച
ആട്ടിടയരും ജ്ഞാനികളും
സദ്ജനങ്ങളുമവനെ വണങ്ങി
യെന്നും ഞാന്‍ കേട്ടറിഞ്ഞു

മോശയും ഏലിയാവിനേയുംപോല്‍
വ്രതം നോറ്റിട്ടവന്‍ തന്‍ ക്ഷുത്‌-
-പിപാസകളെ അതിജീവിച്ചതും
ഒരു വന്ദനത്താല്‍ സര്‍വ്വ-
-ലോകത്തിന്‍ നാഥനാക്കാമെന്ന
വിണ്‍വാക്കിനേ ഭേദിച്ചതും ഞാനറിഞ്ഞു.

ചിന്മയനാമവന്‍ മണ്‍-
-മയനാം ജനങ്ങള്‍ തന്‍
മദ്ധ്യത്തില്‍ നിന്നിട്ട്‌
അത്ഭുതങ്ങള്‍ കാട്ടി
വിഷമനിവാരണം ചെയ്തതും
ഞാന്‍ കണ്ടറിഞ്ഞു

ഒരിക്കലവന്‍ ഗിരിമേല്‍
കയറി തന്‍ കൂടെയുള്ള
ജനജാലത്തോട്‌ അവരില്‍
ഭാഗ്യവാന്മാരെന്നോതി-
-യതും ഞാന്‍ എന്‍
കര്‍ണ്ണങ്ങളാല്‍ കേട്ടറിഞ്ഞു

ഒരിക്കലവന്‍ നീചഗോത്ര
ജാതയാം നാരിയോട്‌
ജലം ചോദിച്ചിട്ടവള്‍ക്ക്‌
ഒരിക്കലും ദാഹിക്കാത്ത
ജലത്തിന്‍ വിവരമോതിയതും
ഞാന്‍ കേട്ടറിഞ്ഞു

പൈതങ്ങളെ തന്നില്‍
നിന്ന് തടഞ്ഞവരെ ശാസിച്ച്‌
കുഞ്ഞുങ്ങളെത്തന്‍ മാറോടണച്ച്‌
ഇഗ്നാത്ത്യോസിനെ മടിയിലിരുത്തി
തന്‍ ശിഷ്യരോട്‌ ഇവരെപ്പോലെയാവാന്‍
ചൊല്ലിയതും ഞാന്‍ കേട്ടറിഞ്ഞു

സ്കറിയോത്താസുതന്‍ ദൈവ-
-സുതനെ നശ്വരനാണയങ്ങള്‍ക്കായ്‌
ഒരു ചുംബനത്താല്‍ ഒറ്റിക്കൊടു-
-ത്ത്‌ പശ്ചാത്തപമില്ലാതെ
പാപഭയത്താല്‍ ദൈവദാനമാം
തന്‍ ജീവനെ അപഹരിച്ചുവല്ലോ

പിന്നീടവനൊരു കുഞ്ഞാടുപോല്‍
പീലാത്തോസിന്‍ സവിധേ
നിന്ന് തന്‍ അനൈഹിക
രാജ്യത്തേക്കുറിച്ച്‌ അരുളി-
-ച്ചെയ്തതും ഞാന്‍ എന്‍
കാതാല്‍ കേട്ടറിഞ്ഞു

ഭടന്മാരാല്‍ ബന്ധനസ്ഥനാം
അവനെ പരിഹസിച്ച്‌
യഹൂദനൃപനേ നീ രക്ഷപെടൂ
എന്ന് വിളിച്ചട്ടസിച്ച യൂദരോട്‌
അവന്‍ തന്നെ മിശിഹാ, അവന്‍
തന്നെ കര്‍ത്തന്‍ എന്നോതി ഞാന്‍

ഒടുവിലാ ലോകപതി കാല്‍വറിക്കുന്നുമേല്‍
തസ്കരവീരന്മാര്‍ക്ക്‌ തുല്യനാക്കി
മരണമെന്ന മഹാതസ്കരന്‌ ഏല്‍പിച്ച്‌
കൊടുത്തിട്ടുമവനാ മഹാതസ്കരനെ-
-ത്തോല്‍പിച്ച്‌ തന്‍ താതനോട്‌
ചേര്‍ന്നുവെന്ന് ഞാന്‍ ഗ്രഹിച്ചുവല്ലോ

No comments: